Bigarren EAJ-PNV izan da 3.473 botorekin, PSEk hirugarrena1.182 botorekin eta Elkarrekin koalizioak laugarren 753 botorekin. Abstentzioa %39koa izan da.
Taula eta diagrama: EITB.
EH Bilduk garaipena lortu du Arrasaten, Barne Ministerioaren datuen arabera. EH Bilduk 4.301 boto lortu ditu, botoen % 42,74, hau da, 10 zinegotzi, 2019ko udal hauteskundeetan baino bi gehiago. EAJ-PNVk 3.473 boto ( % 34,51) lortu ditu, hau da, 8 zinegotzi, azken udal hauteskundeetan bat baino gutxiago. Azken udal hauteskundeekin alderatuta zinegotzi bat galdu duen beste alderdietako bat PSE-EE izan da. Gaurko hauteskundeetan PSE-EEk 1.182 boto lortu ditu eta horrek 2 zinegotzi ematen dizkio. Legealdi honetan berdin jarraituko duena Elkarrekin koalizioa izango da. Koalizio moreak botoen %7,48 lortu ditu (753 boto) eta zinegotzia mantenduko du. PPk 222 lortu ditu, % 2,2, eta zinegotzirik gabe gelditzen da. Abstentzioa %39’85ekoa izan da, hots, bozkatzeko eskubidea izan duten 6.756 herritarrek ez dute bozkarik eman.
Datu horiekin, alkatetza Maider Morras buru duen EH Bildurentzat izango litzateke, are gehiago Elkarrekin koalizioaren babesa izanez gero. Parte-hartzea % 60,14koa izan da.
Arrasateko Udala honela osatuta geratuko litzateke:
EH Bildu: Maider Morras EH Bildu: Kepa Urteaga EH Bildu: Garazi Etxeberria EH Bildu: Joseba Ezpeleta EH Bildu: Mikel San Miguel EH Bildu: Jasone Giraldo EH Bildu: Jaime Bengoa EH Bildu: Asier Murguzur EH Bildu: Gladys Fernandez EH Bildu: Andoni Arratibel EAJ-PNV: Maria Ubarretxena EAJ-PNV: Ander Garay EAJ-PNV: Edurne Unamuno EAJ-PNV: Jon Apraiz EAJ-PNV: Agurne Juldain EAJ-PNV: Asier Muxika EAJ-PNV: Maitane Muñoz EAJ-PNV: Bixente Etxeberria PSE-EE: Aritz Murua PSE-EE: Johanna Sanchez Elkarrekin: Eva Abuin
