Testua: Ezker Anitza-IU.
Debagoieneko Ezker Kultur Guneak eta Paz y Solidaridad Fundazioak argazki erakusketa bat eskainiko dute azaroaren 2tik 14ra. Antolatzaileek hamabost argazki aukeratu dituzte Gipuzkoako eta El Salvadorreko herritarrek lan-baldintza txukunei buruz duten pertzepzioa ikusarazteko, osasun-krisiaren eragin orokorrari eta horrek lan-esparruan dituen ondorioei buruz duten ikuspegia partekatuz.
Lan eskubideen inguruan dauden errealitate desberdinei buruzko kontzientzia kritikoa piztea du helburu. Aldi berean, agerian utzi nahi du lan txukunaren aldarrikapenak izaera globala izan behar duela aurrera egin ahal izateko.
Honako hau lortu nahi da: erakusketan parte hartzen duen publikoak zalantzan jartzea lan txukunaren inguruko desberdintasunak, ingurumenaren, sexu-aniztasunaren eta genero-aniztasunaren ikuspegitik. Eta hausnartu gaur egungo ekoizpen-sistemak eta kontsumismoak maila globalean duten ingurumen-inpaktuari buruz, antolatzaileek azaldu dutenez.
Erakusketa datorren asteartean, hilak 2, inauguratuko da 18:00etan Debagoieneko Ezker Kultur Gunean. Bisitak honako ordutegian izango dira: astelehenetik ostiralera 18:00etatik 20:00etara. Larunbatetan eta igandeetan goizez 12:00etatik 14:00etara egongo da irekita.
