Fagor Taldeko kooperatibak Mael Cocción enpresa erosi du, eleconomista webguneak informatu duenez. Aragoiko enpresak ekoizten ditu indukziorako eta potentzia elektronikorako bobinak.
Argazkia: Copreci.
Coprecik Zaragozako enpresaren %100 erosi du, eta kontuan hartzekoa da familia-enpresa hori BSH Electrodomesticos España-ren (Bosch, Siemenes eta Balay) hornitzaileetako bat dela.
Ez da ezagutzera eman erosketaren zenbatekoa, baina eleconomistak azaldu duenez, erosketak erraztu du enpresaren jabetzaren familiaren erreleboa.
Mael Cocción-ek bere azken jardueran 30 milioi euroko fakturazio kontsolidatu bat lortu zuen eta 5 milioi euro inguruko ebitda. 130 pertsonak egiten dute lan enpresarentzat, eta sektore honetako erreferente bat da espainiar estatuan.
