Argazkiak: Hernaniko Club Rugby.
Lagun ugari elkartu ziren larunbat goizean Mojategiko errugbi berdegunean, eta Bultza Ligako Hernani eta Gaztedik partidua jokatu dute. Ondoren, Arrasateko lagunekin batera lan-saioa egin dute.
Arrasate Rugby Taldeak baloratu bezala “goiz ezin hobea pasa dute gure inklusiboko jokalariek Gaztedi Rugby Taldea eta Hernaniko taldeekin burututako lan-saioan!”.
ARTek ere publikoki eskerrak eman dizkio “Hernaniri gure 50. urteurrena dela eta egindako opariagatik!”.
Halaber, ARTek espero du Bultza Ligaren edizio gehiago jokatzea. Bai horixe! Zorionak eta segi horrela!
