Arrasateko Udalak Alde Zaharreko eraikinen arteko kalexkak zabaltzeko egitasmoa abiatu zuen duela urte ugari. Azken egunetan Ferrerias eta Zurgin kantoi arteko karkaba zabaltzeko lanak egiten dabiltza. Horretarako, Biona taberna ohiko patioa baliatu dute.
Herritarren Aholku Kontseiluak Udalari eskatu izan dio karkaben “birgaitze eta kontserbatze lanetarako laguntzak ordenantza fiskalen bitartez arautzea, urtero gainbegiratzen direlako. Baita karkabak liberatzeko prozesuari lehentasuna ematea ere”.
