Arratsaldeko 17:08 aldera saihesbidetik zihoan turismo bat irauli egin da, Ertzaintzak azaldu duenez. Ezbehar hau gertatu da 35 kilometro-puntuan, hau da, istripu asko gertatutako kurban.
Suhiltzaileek bertan lan egin behar izan dute, eta zauritutako pertsona anbulantzia batek Donostiako Ospitalera eraman behar izan du.
Istripuak auto-ilara batzuk eragin ditu, eta horietako batean, bi ibilgailuk talka egin dute, beheko argazkian ikusgai. Printzipioz garrantzi txikiagoko ezbeharra izan da.
Une hauetan (18:05ean) bi erreiak itxita daude “iraulitako autoa bertatik eramateko eta errepidea garbitzeko”. Beraz, bertatik igaro behar baduzu, ohi baino tentu handiagoz egitea gomendatzen da.
