Testua: Kooltur Ekintza. Argazkia: Audience taldea.
Ostegun honetan, azaroak 25, Audience taldea izango da Arrasateko Gaztetxean 22:00etan, Kooltur Ostegunak ekimenaren baitan.
Gernikako talde beteranoak disko berria dakar besapean, ‘Tolesdurak’ izeneko disko bikoitza. Aspaldi marka duten bezala folk-rock amerikar oinarria dute kantuek, baina badira tarteka askoz gitarreroagoak diren abestiak ere. Bitxikeri gisa, lan berri honetan euskarak are eta presentzia handiagoa hartu du gaztelania eta ingelesari lekua kenduz.
