Arrasaten airearen kalitatea neurtzeko eskaera egin du EH Bilduk, Zaldibarko gertakariaren harira

0
920
udala

Ezer  baino  lehen,  orain  dela 15  egun  Zaldibarren gertatutakoaren larritasuna azpimarratu nahi dugu, eta elkartasuna adierazi nahi diegu harrapatuta jarraitzen duten bi pertsonen familiei eta gertukoei.

Testua eta argazkia: EH Bildu.

Ezer  baino  lehen,  orain  dela 15  egun  Zaldibarren gertatutakoaren larritasuna azpimarratu nahi dugu.  Gertaera larri  baten aurrean gaude: bi langileren bizitza aurretik eraman duena, arrisku handiko egoera sortu duena  eta  ingurumen hondamendia eta osasun alarmako egoera eragin duena.  Egoera  konplexua da  eta  erantzukizunak oso larriak: behar  diren maila guztietan argitu beharko dira.

Lehenik eta  behin, elkartasuna adierazi nahi diegu harrapatuta jarraitzen duten bi pertsonen familiei eta gertukoei.

Aurrekoa esanda, Osasun Sailak hilaren 14an Zaldibarko zabortegiaren inguruko airean furano  eta dioxina kopuru  altuak zeudela jakinarazteko egin zuen iragarkian jarri nahi dugu  arreta.  Horren ondorioz, 5 kilometroko segurtasun eremua ezarri zuten eta prebentzio neurriak hartu zituzten.

Erakunde   batzuek planteatu  dute  segurtasun-eremuak  zabalagoa  izan  beharko lukeela, eta  20 km-ra  zabaltzea proposatu dute.  Kontuan  izan behar  dugu  Zaldibarko zabortegia Arrasatetik 14 bat km-ra  dagoela lerro zuzenean eta  gure Udalerriarekiko iparralderantz. Kontuan  hartuta hemen nagusi  diren  haizeak  (2019an  jasotako  airearen  kalitatearen  laginen  arabera) gune  horretatik datozela,  uste  dugu   neurri  bermatzaileak  eta   lasaigarriak  izango  liratekeela  arnasten  dugun airearen kalitatea, eta hemen ekoizten diren produktuen kalitatea ona dela bermatzea.

Horregatik,  Arrasateko  Udalari  eskatzen diogu Eusko Jaurlaritzako sail aginpedunera jo dezala honako  galdera hauek egiteko (eta beharrezkoak diren guztiak):

Airearen kalitateari buruzko  neurketarik egin al da Arrasate, Aretxabaleta, edo Eskoriatza aldean, Zaldibartik gertuen dagoen eremuan neurtzen ari diren parametro berberak neurtzeko?

Neurketa horiek egin badira, zein izan da emaitza?

Erantzuna ezezkoa bada, egiteko asmorik badago?

Eskaera  hori   alkateari   helarazten  diogu,  Udalaren  izenean  galdera  horiek  helaraz  ditzan  eta Arrasateko biztanleei mezu  lasaigarri bat eman diezaien.

ERANTZUN BAT UTZI

Zure iruzkina utzi, mesedez!
Sartu zure izena hemen