Arrasateko Udalak Vasco-Navarro bide berdearen seinaleak berrituko ditu

2
1006

  • Udalak 12.033,00 euro inbertituko ditu, Gipuzkoako Foru Aldundiak finantzatuta. Seinaletika berriak norabide-seinaleak dituzten zutoinak (18 guztira) eta jarraipen-balizak (5) barne hartzen ditu.
  • Lehengo Vasco-Navarro trenbidearen bide berdea 123,5 km luze da, inguruko luzeenetakoa da, eta gero eta herritar eta bisitari gehiago erakartzen ari da, oinez edo bizikletaz ibiltzeko.

Arrasateko Udalak Vasco-Navarro bide berdea sustatuko du turismo, kultura eta identitate elementu gisa, Arrasateko zatiaren seinaleak berrituz. Proiektuaren helburua Euskal Herriko bide berdeak Arrasate parean egiten duen ibilbidea behar bezala seinaleztatzea da, norabide seinaleak eta jarraipena egiteko balizak dituzten zutoinak jarriz.

Arrasateko Udalak, Gipuzkoako Foru Aldundiarekin batera, arrasatearraren zatiaren seinaleztapen osoa berrituko du, erakargarri eginez eta irisgarri bihurtuz. 

Udalak 12.033,00 euro inbertituko ditu, Gipuzkoako Foru Aldundiak finantzatuta. Seinale berriak bat egiten du Arabako bide-zatiaren seinaleztapenarekin, seinaleztatzeko ezinbesteko elementuak barne hartzen baititu, hala nola norabide-seinaleak dituzten zutoinak (18 guztira) eta jarraipen-balizak (5).

Udalak Aisia Events S.L.U. enpresaren aholkularitzarekin egin du proiektua, eta, aurreikuspenen arabera, otsailaren amaieran hasiko dira seinaleak egokitzeko lanak, eta martxoaren amaierarako egongo dira erabilgarri.

Vasco Navarro trenbide zaharraren bide berdea 123,5 km luze da, 7 kilometro Arrasateko eremuan. Inguruko luzeenetakoa da, eta gero eta herritar eta bisitari gehiago erakartzen ari da, oinez edo bizikletaz ibiltzeko.

Udalak uste du seinaleztapenaren hobekuntza horrek bide berdearen azpiegitura indartzea ekarriko duela. Azpiegitura horrek gero eta txirrindulari eta ibiltari gehiagori ematen die zerbitzua, Debagoienako eskualdean zehar eta Gipuzkoako Bizikleta Bideen Sarearen barruan, bai eta Vasco Navarroko bide berdearen ibilbide osoan ere, Lizarra eta Bergara lotzen baititu.

2 IRUZKIN

  1. Arrasateko Udalak tontotzat hartu nahi gaitu ala inuxente eguna da gaur eta ez naiz enteratu?
    Arrasateko 7 kilometro horiek guztiz partxeatuta ditugu, zati askotan ez dugu biderik, ez berdea ez gorria.
    Gasteiz-Lizarra tarte osoa bai da bide berdea, oso txukuna gainera. Gu aldiz, ezin gara San Andresetik Zigarrolara ere joan bizikletan.

ERANTZUN BAT UTZI

Zure iruzkina utzi, mesedez!
Sartu zure izena hemen