Eztabaidarako lantalde bat sortuko da, herriko profil desberdinetako pertsonek osatuko dutena: Arimazubi, Kontzesiño-Erdigune eta Uarkapeko bost pertsonak, ostalaritzako profesionalek, merkatariek eta desgaitasuna duten pertsonen elkarteko ordezkariek.
Testua: Arrasateko Udala.
COVID-19ak 2020an sortutako pandemia-egoerak aldaketa nabarmenak eragin ditu Arrasateko espazio publikoaren erabileran; izan ere, osasun-neurriak betetzeko helburuarekin, espazioaren erabilerari buruzko neurriak hartu ziren, herriko hainbat negozio garatzen laguntzeko.
Arrasateko Udalak ordenantza bat sortuko du, azken gertakari horiek bultzatuta, bai eta arlo horretako araudirik ez egoteak ere. Horretarako, hausnarketa-prozesu bat egingo du hainbat profil eta interes-talderen eta erabiltzaileren artean. Beharrak, proposamenak eta edukiak batu nahi dira, desberdinen parte-hartzearen bidez, hausnarketa-ariketaren bidez sortzen diren adostasun-gaiak bilduz.
Horretarako, eztabaidarako lantalde bat sortuko da, herriko profil desberdinetako pertsonek osatuko dutena:
- Bost bat pertsona, Arimazubi, Kontzesiño-Erdigune eta Uarkapetik etorriak. Kuota honetan Arrasateko beste zonalde batzuetako biztanleek ere parte hartu ahal izango dute. Eremu horien parte-hartzeari emango zaio lehentasuna, espazio publikoko bizikidetzari dagokionez tentsio eta deserosotasun gehien sortu diren eremuak baitira.
- Beste kuota bat Arrasateko ostalaritzako profesionalak diren beste bost pertsonak osatzen dute. Hemen ere lehentasuna emango zaie lehen aipatutako eremuei, arrazoi berberengatik.
- Gainera, beste kuota bat egongo da tokiko beste bost bizilagun, tabernari eta merkatarirekin, herriko gainerako zonaldekoak.
- Azkenik, desgaitasuna duten pertsonen elkartearen ordezkaritza ere egongo da (ordezkari bat).
Eztabaida-talde horrek hiru lan-saio egingo ditu ordenantzaren edukiak adosteko, eta, horrela, beharrak eta proposamenak profil desberdinen arabera jasoko ditu. Saioak azaroaren erdialdetik aurrera izango dira eta abenduaren amaieran amaituko dira.
Udalak izena emateko epea ireki du: smartinez@aztiker.eus helbidera e-mail bat bidaliz edo 688 648 040 telefonora deituz (Whatsapp) egin daiteke azaroaren 4a baino lehen. Ezinbestekoa da izena ematea zehaztutako taldean parte hartzeko. Izena emateko epea amaitzean, izena emandako guztien artean zozketa bat egingo da, eskatzen diren profilen arabera taldeak osatzeko.
Udalak Aztikerreko teknikarien laguntza izango du prozesua garatzeko.
