Arrasateko tabernek itxiera “hondamendi ekonomiko eta morala” dela adierazi dute

9
2895

Konfinamenduak aurrera egin ahala, gero eta gehiago dira Covid-19aren eragina jasatzen ari diren negozioak. Martxoan saltoki gehienak ixteko dekretua egin zenetik, ostalaritzaren sektorea izan da kaltetuenetako bat. Tabernek eta jatetxeek ezin izan dituzte ateak ireki azken hilabetean, eta dagoeneko hasiak dira bezeroak hartu ezinaren ondorioak pairatzen. Perspektibak, gainera, denbora batez itxita jarraituko dutela adierazten du, eta, horregatik, horietako batzuek azaldu nahi izan dute nola bizi dituzten egun horiek beren etxeetatik.


San Andreseko JJ tabernako jabeek azaldu dutenez, itxiera “hondamendi ekonomiko eta morala” izan da. Jabeek esan dutenez, “hilabete hauek oso gogorrak izaten ari dira, gainera, ezin direlako auzoko jaiak ospatu. Telebistan ikusten ari gara oraindik denbora gehiago egon behar dugula itxita. Espero dugu egoera hori laster konpontzea, bestela ez baitakigu nola amaituko den hau. Guk ez dugu diru-sarrerak izateko beste aukerarik, tabernak ematen diguna baino. Beraz, egoera oso zaila izaten ari da. Hala ere, guk zortea dugu, lokala gurea delako, baina errenta ordaindu behar dutenek okerrago pasatzen ari dira “.

Alokairuan dagoen lokaletako bat Ziorlako Txinato taberna da, eta ez daki nola egingo dioten aurre egoerari: “Lokalaren jabearekin biltzeko zain gaude akordio batera iristeko, baina hala ere, egoera oso zaila izaten ari da. Auzoko jaiek ia hilabete bateko irabaziak ematen zizkiguten, urtean zehar arazoak konpontzeko, baina orain diru horri uko egin behar izan diogu. Nire familia taberna horretatik bizi da eta ezin badut ireki ezin dut etxera dirurik eraman. Gainera, inork ez digu ezer esaten, eta nobedadeen berri telebistaz izan behar dugu, mundu guztiak bezala. Ez dakigu saltoki edo aisialdirako lokal gisa tratatuko gaituzten, eta auzoan bakarrik (Andaluziako zentroa kontuan hartuta), 12 lokal daude zer gertatuko den zain. Bestalde, irekitzen uzten digutenean, jendea erakartzeko gauzak antolatzen ere ez digute utziko, pilaketak debekatuko baitira; beraz, egoera oso zaila da “.

Kajoitik adierazi dutenez, elkartasuna da irtenbidea: “Guk lokal hau alokairuan daukagu, eta dagoeneko akordio bat lortu dugu jabearekin, krisiak irauten duen bitartean kobra ez gaitzan. Era berean, Ostantz gurea da, eta erabaki dugu ez diegula alokairua kobratuko ireki arte. Hori da hilabete hauetan jasan ahal izateko aurkitu dugun modua “. Bestalde, jabeen ustez, “Osasun-zerbitzuez gogoratzeaz gain, irekita jarraitzen duten saltokien jabeez gogoratu beharko ginateke. Haiek ere osasuna dute jokoan egunero zerbitzu bat emateagatik, eta gure txaloak merezi dituzte “.

9 IRUZKIN

  1. María Ugartetxena alkatesa, gure herria hiltzen ari da,.ZU uste dezu 30 euroko bono horrekin komertzioak, hostaloritzak batit bat , itxialdi hau, ( diru sarrera gabe ) gainera alokairua ,zergak ,hornikuntza , lokalean imbertitutako credituen ordainketak egiten, gainditzeko nahikoa dela? Gainera etorkizun latza dagoen panoramarekin. Maider Morras, oposizioko buru izanda eta gure azken urteetako galerak Ondo ezagutu arren, eta gure udalaren abusoak ikusita ( abokatua ere bazara ezta) ez dezu ezer esateko? Ez dezu inungo propuestarik? Udalaren polotikarekin gustora zaude? Zuk gutxienez ezertarako balio izan ez duen eman zenigun serbitzu jurídikoa egunean kobratu zenuen ezta. Ba hasi zaitez behingoz lanean.

  2. Zelako inbidixia emuten duztan Atxabaltako udalak. Han ikusten da nolan alkatia benetan kezkatzen herriko komertziuena ( AZ gaubelakuekin grabau dau Spot bat) , eta hemen jasan bihar dogu señorona bat bakarrik kezkatzen jakola argazkixan ataratzia eta bere guda partikularra adierazpen askatasunan aurka. Ezker Abertzaliak be autokritika asko in bihar dau, hasitxa bibotedun alkate ohi bat.

  3. Bai lagun. Triste dok baina holaxe jauk gauzak . Gure herriko istorixue jakin ezkero eta.fankismoko.eta.transiziozko, soldauzka kontrako espainiar errepresio garaiko borrokak. . ..kombibentzia , lehenengo espainiatukan eta gaur egun mundu osotik etorritako herritarrak , denen aporportazio eta integrazioa.eta anaitasuna lortu zuen herria ARRASATE. Bai udal gobernuatikan eta bai udal oposiziotikan errespetu eta implikazio askoz handiagoa merezi duen herri bat da Arrasate., Así zaitezte mugitzen edo baztertzen duintasuna mesedez. Gure Arrasate

  4. Gure herri honek garapen eta enplegu plan serio bat beharko du, zalantzarik gabe. Espero dut honez gero mahaiaren inguruan jarriak egotea guztiak eta etorkizun zalantzakor honi irtenbide duinak emateko proposamena egiten egotea. Zinegotziak eta batzordeak ez dira tituluak jartzeko bakarrik, uste dut bai garapena eta baita enplegua ere banatuta daudela ardura moduan, ez dadila izan izen potolo bat, izan dadila benetako plan bat, serioa, Arrasateri dagokiona eta ez langabezian dauden 20 pertsonen kontratazioa 6 hilabeterako.

    Udaleko webguneari begiratuta Toki Garapenaren arduradun politikorik ez da azaltzen enpleguarena bai: ARDURADUN POLITIKOA: Miren Edurne Unamuno Rodrigo (EAJ-PNV)

  5. Zuzendu nahi dut: badirudi pertsona berdina dela arduraduna eta hauek dira bere ardurak:

    Herriko garapen ekonomikoari laguntzea eta enplegua sustatzea dira Enplegu Saileko eginkizun nagusiak.
    Horretarako hainbat bide jorratzen dira: langabeak prestatzea, enpleguari buruzko informazioa eta orientazioa ematea, lan poltsako zerbitzua eskaintzea, autoenpleguari laguntzea, sektore ekonomikoen beharrak aztertu eta horiek garatzeko baliabideak sustatzea, eta beste hainbat eskuhartze, herriko garapenean indarra egiteko.

    Animo ba!

  6. Euskal herkidikeko herri askotan maskarillak herritarrek artean ari dirá banatzen, hemen Udaletxeak hartu duen neurri bakarra, euren langileen 100% soldata garantizatzeko neurriak bakarrik izan dira. Herritartetan ez su oraindikan xentimo bat Bera ere gastatu.bonoak??? Propaganda hutsa. Herritar bakoitzak pentsa dezala zein nolako arduradunak dauzkagun. Pentsa dezatela 37 egun ondoren zer egin duen berarentzat , egora honetan ze laguntza jasu duen. Ez dago asko pentsatzeko tamalez.. Oposizioak ere ezer gutxi egin du. Beraz Bere jokaera negargarriagoa da.

  7. Arrasaten PNV eta PSOEK gehiengo osoa daukate. Beraiek nahi dutena egin dezakete. Oposizioak bere proposamenak bota zituen (mondraberrin daukazue horren ebidentzia), bestelako aukerarik ez dagoelako horrelako panorama politikoan. Oposizioari gobernuaren hutsegiteak leporatzea irakurketa kuriosoa da gero. Arrazoi osoa duzue, Arrasate Aurrerak egin dituen proposamenekin deskonfinamendu osoan geundeke!

  8. Eta ahaztu aurretik, hori baitzen artikuluaren xedea, besarkada handiena Arrasateko tabernari, hostalari eta komertzio guztiei!

ERANTZUN BAT UTZI

Zure iruzkina utzi, mesedez!
Sartu zure izena hemen