PSE-EEk posta bidezko botoa tramitatzen laguntzeko zerbitzua jarri du martxan, azaroaren 29ko hauteskunde orokorretan hauteslekura joan ezin diren herritarrei laguntzeko.
Horretarako, herritarrei arreta eskainiko diete astelehenetik ostiralera, 09:30etik 12:30era eta 17:00etatik 19:00etara, Martxoaren 8 kaleko 1. zenbakian dagoen egoitzan, beheko solairuan.
Gaixotasunagatik edo ezintasun fisikoagatik hauteslekura joan ezin diren pertsonek etxetik ere eman ahal izango dute botoa, notarioaren aurrean. Kasu horietan, PSE-EEk beharrezko izapideak egiteko laguntza eta aholkularitza eskainiko ditu.
Informazioa jasotzeko edo zalantzak argitzeko, herritarrek 943 79 69 42 telefono zenbakira deitu dezakete. Posta bidezko botoa eskatzeko epea azaroaren 19an amaituko da.




