Arrasateko positibo kopuruen ondorioz, Iturbideko egoiliarrak ezingo dira kalera irten beste aste batez

0
1205

Iturbide egoitzatik jakinarazi dutenez, Arrasaten azken astean (biztanle kopuruaren arabera) Covid-19k eragindako infekzio positibo berrien tasaren arabera, Foru Aldundiak egoiliar guztien kanpoaldeko irteeren etendura beste astebetez luzatzea agindu du.

Egunean ordu erdiko bisita egiteko aukera ematen dute, segurtasun-neurriak zorroztuz edo bideo-deiaren bidez komunikatuz.

Azken orduetan bi COVID-19 kasu positibo atzeman dira Gipuzkoako adinekoen egoitzetako erabiltzaileen artean, Bergarako Mizpirualde zentroan. Egun, COVID-19an positibo eman duten erabiltzaileak Gipuzkoako lau egoitzatan daude: Hernaniko Santa Maria Magdalena (15), Errenteriako Jesusen Bihotza (12), Donostiako Alai-Etxe (7) eta Bergarako Mizpirualde (14).

Beraz, 48 COVID-19 kasu aktibo daude Gipuzkoako egoitzetako erabiltzaileen artean, 65 zentrok eta 5.425 plazak osatzen dutena.
11 pertsonak ospitale-arreta behar dute eta ospitaleratuta daude, eta beste 26 Eibarko Ospitaleko gizarte-solairuan ari dira artatuak izaten, Gipuzkoako egoitzetatik eratorritako COVID-19 kasuen arretarako erreferentzia-zentroan. Abuztuaren 11n lehen positiboa eman zenetik, 30 adinekok gainditu dute gaixotasuna eta 24 pertsona hil dira.

ERANTZUN BAT UTZI

Zure iruzkina utzi, mesedez!
Sartu zure izena hemen