Arrasatek bat egin du Singular Dendak ekimenaren edizio berriarekin

0
572

Gipuzkoako Merkatariak elkarteak deialdi berri bat ireki du balizko Singular Dendak
berriak erakartzeko. Programa hori duela 8 urte sortu zen, eta dagoeneko 220 saltoki
baino gehiagok dute bereizgarria, 18k Arrasaten.

Testua: Arrasateko Udala.

Gipuzkoako Merkatariak federazioak Singular Dendak programaren edizio berri bat bultzatuko
du gutxi barru. Marka horrek Gipuzkoako merkataritzari balioa ematen dio, bereizlea eta
berezia, eta bere bezeroa bereizteko balio bat eskaintzen duten saltokiei aintzatespena
ematen die.

Gipuzkoako Merkatariak elkarteak deialdi berri bat ireki du balizko Singular Dendak berriak
erakartzeko. Duela 8 urte sortu zen programa hori, eta dagoeneko 220 saltoki baino gehiagok
dute bereizgarria, 18 Arrasaten.

Singular Dendak markak saltoki horien baloreen berri eman du: “Gure kaleei bizia emateaz
gain, originaltasunagatik eta benetakotasunagatik nabarmentzen diren denden hautaketa bat
da. Hemengo dendak. Bezeroarekin konprometituak. Kultura propioarekin, xehetasunaren
kultura. Bezeroak bakar sentiarazten dituzten denda paregabeak” nabarmentzen dira
Gipuzkoako Merkatariak elkartetik.

Parte hartzeko, nahikoa da Singular dendak: https://labur.eus/L7EAi helbiderako inprimakia
betetzea. Inprimakia bete eta hautagaitza bidaltzeko epea irailaren 10ean, 16: 00etan,
amaituko da.

Zer urrats egin behar dira aitorpena lortzeko?

  1. Hasierako diagnostikoa (bezero misteriotsuaren teknikaren bidez), 4 arlotan oinarritua:
    • Tratu pertsonala
    • Saltokia harreman-gune giltzarri gisa
    • Produktu bereizlea
    • On/off komunikazioa, sintonian
  2. Ekintza-planaren kontrastea eta definizioa: bisitaren ondoren, txosten oso bat ematen da,
  3. bezeroak merkataritzan duen erosketa-esperientziari buruzko informazio garrantzitsuarekin,
  4. batera jartzeko, hobetu daitezkeen arloak zehazteko.
  5. Taldeko eta banakako aholkularitza hobekuntza-ekintzak ezartzeko: banakako aholkularitza (4-5 ordu) eta talde-tailerrak.
  6. Jarraipena eta ebaluazioa
  7. Aintzatespena
  8. Etengabeko hobekuntzarekiko konpromisoa. Merkataritzarako baliozko ekintzen ekarpena, bezeroen fidelizazioarekin, erosketa-turismoarekin eta abarrekin zerikusia dutenak.

Adierazi dute helburua erosketa-esperientzia nabarmenak sortzea dela: “Saltokietan, bereizi
daitezela eta bezeroak erakartzen eta fidelizatzen lagun dezatela, emaitzak hobetuz; horrela,
tokiko merkataritza bereizlea posizionatuz eta posizionamendu hori marka-komunikazioko
estrategia baten bidez indartuz”.

Informazio gehiago: www.singulardendak.com

Arrasatek 18 Singular Dendak ditu

Arrasatek, guztira, 18 saltoki ditu 2017tik, Singular Dendak bereizgarriarekin. Era guztietako dendak: arropa-dendak, jostailu-dendak, bitxi-dendak, loradendak, diseinua, estetika…

  • 2017-2018an 9 saltoki atxiki ziren: Belun, Olgeta, Resusta-Karrikiri, Sikol, Boutique, Elena, Lasagabaster, Oskar Vitoria, Tipi-tapa eta Josle.
  • 2019an, 7: Amaia Albes, Lirain, Zubiaga, Bea Lenceria, Buart, Gare eta Ume.
  • 2020an, 2: Arazi eta Angela Estetika.

ERANTZUN BAT UTZI

Zure iruzkina utzi, mesedez!
Sartu zure izena hemen