Arrasatek 775.238,32 euro jasoko ditu estatuko Covid-19 funtsetatik

13
1715

Debagoieneko udalerriek 2 miloi euro baino gehiago jasoko dituzte estatuko funtsetatik

Testua: PSE.

Víctor Fuentes Arrasateko Udaleko bozeramaile sozialistak azaldu duenez, Espainiako Gobernuak 2.189.744,34 euro banatuko ditu Debagoiena eskualdeko udalerrien artean pandemiak eragindako kalte ekonomiko eta sozialak konpontzen laguntzeko. Are gehiago, baliabide ekonomiko horiek, batez ere, zerbitzu publikoak indartzeko balioko dute, eta, zehazki, Osasuna ez ezik, hezkuntza eta gizarte-zerbitzuak indartzeko ere bai.

                Ohar batean azaldu duenez, Estatuaren bi diru-laguntza jasoko ditu Debagoienak. Alde batetik, Gipuzkoako Foru Aldundiak Estatutik jasotako Covid-19 funtsetatik datozen 25,1 milioi euro transferituko dizkie lurraldeko udalei, eta, zehazki, eskualdeak 2.121.112,21 euro jasoko ditu; horietatik 748.715,74 euro Arrasatera bideratuko dira. Bestalde, Estatuko tributuetan parte hartzea delako konturako ekarpenek igoera handia izan dute, eta hori “gogoangarria” da. Pedro Sanchez gobernu-buruak hitzeman zuen bezala, udalerrietara bideratuko dira, eta ekonomia-baliabide horiek udalerrien beharrei aurre egiteko eta herritarren bizitza hobetzen laguntzeko balioko dute. Kontzeptu horrengatik, oro har, Debagoienak 68.632,13 euro jasoko ditu eta, zehazki, Arrasatek 26.522,58 euro.

Fuentesen ustez, Covid pandemiak eragindako “ezohiko” egoera, bai familiei, bai enpresei, bai erakundeei eragiten die. Orain garrantzitsuena “susperraldi ekonomikoa” bultzatzea da, eta Espainiako Gobernutik datozen funts horiek oso beharrezkoak dira horretarako, bai eskualderako, bai Arrasateko udalerako; izan ere, “udalak herritarrengandik hurbilen dagoen erakundea denez, herritarrek jotzen duten lehen atea da, ongizatearen oinarrizko zerbitzuak ematen ditugulako, eta, beraz, laguntza ekonomiko horiekin udal-zerbitzu publiko hobeak eman ahal izango ditugu, gure bizilagunen bizi-kalitatea hobetzeko”.

Azkenik, aitortu du udalak krisia jasaten ari direla bereziki, eta udal aurrekontuaren gastuen kontuak atera eta lehenetsi behar ditugula. Zentzu horretan, ziur dago beharrezkoa dela erakundeen arteko elkartasuna eta batasuna, non babesik gabe ezin ditugu utzi udal administrazioak; horregatik, eskerrak eman dizkio Espainiako gobernuari hain beharrezkoak diren ekonomia-baliabide horiengatik. “Ezinbestekoa da udalek behar adina diru-sarrera izatea agindu zaizkigun eginkizunak bete ahal izateko”.

13 IRUZKIN

  1. Bejon deizula Victor, albiste on bat emateko bada ere, Covid arekin zer ikusia duen zerbaitetan aurpegia ematen ausartzeagatik. Zure gobernukideak Kulturolaren inaugurazioan bakarrik ikusiko ditugu, 2 urte desagertuta egon dira covid asunto honekin. Ez daitezen desgastatu… benetan deigarria eta lotsagarria. Herria kohete bat bezain ondo doala esaten dute gainera.

  2. Jope, oin Bilduko zinegotziek izena aldatu dozue edo? Aukeraketa ere ez da txarra, Carlos, errege izena, uste nuen ez zinetela bape monarkikoak baina nork daki!

    • Zer ikusi dauka Bilduk nire kritikarekin? zaborren gaia aterako didazu Covidarekin alkatea desagertuta egon izanaren salaketa desbideratzeko?

      Askotan esan dut, covida ez da bere errua, baina bai bere erantzunkizuna herrian hartutako neurrien berri ematea, erantzunkizunez jokatzera deitzea… baina alkatearen eta gobernuaren irudia gai honekin ez zikintzea lehenetsi duzue. Alkatearen eginkizun bakarra ez da lehiaketen sariak eman, MCCko bisitak jaso eta eraikinak inauguratzea.

  3. Bilduko zinegotzia edo politikoa izan behar da mondrautarrokiko utzikeria hontaz ohartzeko? ez izan patetikoa.
    Debagoieneko EAJ ko alkate guztiak Goienako “harira” saiotik pasa ziren ausardiaz eta erantzunkizunez Covidaz eta aktualitateaz hitz egiten. Zergatik gureak hor ere ez du aurpegirik eman?

  4. Niri berdin zait nork eta zer izenekin erantzuten didan, mezua jaso dezatela nahi dut. Planteatzen dudan kritika egitate baten oinarrituta dago, herritar askok 2 urte hauetan sentitu dugun zerbait da, erreferentzia politiko baten hutsunea, informazio falta eta behar izan diren zenbait mezu argi eta garrantzitsuen gabezia.
    Agerikoa da ez dela alkatearean eta Udal Gobernuaren izenik Covid gaiaz lotu nahi izan, eta uste dut herritarrontzako eta osasun larrialdia bideratzeko hori ez dela onuragarria izan.
    Lotu nazazue nahi duzuen alderdiarekin gaia desbideratu nahi duzuenok, baina iritzi honen atzean herritar bat dago eta ez dut gezurrik esan, inor iraindu eta esan dudana frogatu daiteke.
    Espabilatu zaitezte, politiko guztientzako mezua da hau: herri bat gobernatzea gai deserosoetan ere aurpegia ematea eta buztitzea da. Victorrek moduren baten gaur egin duena.

    • Lotzea nahi den alderdiarekin ez, jada lotuta zaude, zure alderdia EH Bildu da eta bertako zinegotzia zara. Eta ez du inporta saiatzea esaten ez zarela.
      Ez duzue pentsauko herritarrak ttunttunak garenik. Eta osoko bilkuretan ikusten da alderdi sozialistari egiten dizkiozuen xirriak…eta nola ematen diozuen pomada nahiz eta urteetan gorrotatu dituzuen…ezker abertzalearen estrategia berriaren bueltan edo?

  5. Ondo zabiz herritarrak ttunttunak ez direla diozunean, baina oker Osoko bilkurak ikusten dituztela uste baduzu. Dena den, zuk zeuk diozun Osoko bilkurako xirri horiek lehen pertsonan sufritu dituzula dirudi. Beraz, hemen zinegotzia dena zu zarela esango nuke. Mezua jaso duzuela jakiteak pozten nau.
    Defendatu zuen gestioa beste inor tartean sartu gabe, mesedez.

  6. Lotzagarrixa albiste honen iritzixetan denok dakigun udaleko zinegotzi batek dabilen erakusten jarrera. Esaten danez erderaz “A la defensiva” dabil jartzen beste herritar batekin eta Ezker Abertzaliakin daukon obsesio fanatiko hori berriro ateratzen.

  7. Zenbat eta positibo gehixau, dirulaguntza haundixaua. White and in Bottle.”No hay mas preguntas Su Señoría”. Guzti hau zerena doien ikusten eztauenak, eztau ya sekula ikusiko.

ERANTZUN BAT UTZI

Zure iruzkina utzi, mesedez!
Sartu zure izena hemen