Udana itxita dagoenez, Lurraldebusek aldaketa egin beharko du DG04 linean urtarrilaren 27tik.
Argazkia: MB artxiboa.
DG04 lineak normalean Arrasate-Oñati-Legazpi-Zumarraga bidea egiten du. Hala ere, Udana itxita dagoenez, bihartik (urtarrilaren 27tik) aurrera aldaketa aplikatuko da:
DG04 lineak Oñati eta Arrasate bakarrik elkartuko ditu. Astelehenetik ostiralera autobus bat izango da 30 minuturo, eta asteburuetan orduan behin.
Ordea, DG04B delakoak (Arrasate-Legazpi-Zumarraga), hau da, zuzeneko lineak, Deskargako autobia erabiliko du, eta parada hauek izango ditu:
Arrasateko Zalduspe eta Kontzezino-Erdigune, Legazpiko Saturnino Telleria eta Zumarragako Renferen geltokia.
Ibilbideak 30 minutu inguruko iraupena izango du. Arrasaten eguneko lehen zerbitzua goizeko 05:20ean abiatuko da, eta Zumarragan 05:55ean.
DG04B zerbitzuak autobus bat eskainiko du 30 minuturo, astelehenetik ostiralera. Zerbitzua martxan egongo da gaueko 22:45ak arte Arrasaten, eta 23:35ak arte Zumarragan.
Oñati eta Zumarraga edota Legazpi artean bidaia egin nahi duten bidaiariek ez dute trasbordorik egin beharko. Informazio zabalagoa lurraldebus.eus webgunean edo 900 300 340 telefono zenbakian.
