Argazkia: AM.
Musika-eskola honek 2007ra arte bere egoitza izan zuen orain JAME eraikina dagoen leku berean. Alabaina, eraikinak azpiegitura arazo larriak zituen.
Horregatik, Arrasate Musikalen jarduerak urte hartako irailean lekualdatu behar izan ziren, eta ordutik bere egoitza Monterron jauregia izan da.
Juan Arzamendi Musika Etxea jada abian dago, eta Arrasate Musikalen klaseak, 16 urte geroago, bertara itzuliko dira. “Hau da, Monterron jauregia jada itxita dago”, baieztatu du Udalak.
Horretarako, “lekualdatzea jada egin da”, baieztatu dute gaur eguerdian udal-ordezkariak, eta “astelehenean Arrasate Musikaleko langileek lanari ekingo diogu”, gaur azaldu berri diguten bezala.
“Datorren astean musika-instrumentuen klaseen ordutegien banaketa egingo da” Udaleko zinegotzi Kepa Urteagak azaldu bezala.
Goikobalu abesbatzak ere orain JAMEn du egoitza, eta “uda honetan hona lekualdatu” delarik.
Lekualdatzearen ondorioz, Monterron jauregia hutsik geratu da, zertarako erabiliko da? Udal-gobernuak gaur berretsi du “ez dela museo kooperatibo bat izango”, baina bertan “gauzak politak egingo direla. Aztertzen gabiltza bertan gaztegunea jartzea”.
