Arrasate Musikal hasiera emango dio irailaren 7an 2020-21 ikasturteari ehuneko ehun presentzialki eta noski, segurtasun neurri guztiak hartuta.
Testua eta argazkiak: AM.
Aipatu beharra dago martxotik aurrera COVID-19 dela eta, Eskolako Talde instrumental gehienek, Balletak eta Taller Musikalak ezin izan zutela beraien ekintzak burutu baina irailaren 7tik aurrera normaltasun egoerara bueltatuko gara lehen aipatu bezala segurtasun neurri guztiak hartuta.
Ekainaren 1ean, instrumentuko klaseak presentzialki banaka hartzeko aukera eskaini genien ikasleei, eta esan beharra dago erantzuna oso positiboa izan zela. Ez daukat zalantzarik kurtso hasiera ere ildo beretik joango dela.
Bestalde irailean zehar Arrasate Musikaleko matrikulazio epea zabalik egongo da.
Idazkaritza ordutegia: astelehenetik ostegunera 10:00-12:00 eta 16:00-20:00 bitartean eta ostiraletan 16:00-19:00 bitartean.
