Arizmendik Gizarte Ekonomiari buruzko Europako konferentzian parte hartu du

0
596

Testua eta argazkia: Arizmendi Ikastola.

Aste honetan Donostiako Kursaalen egin den Gizarte Ekonomiari buruzko Europako konferentzian parte hartu du Arizmendi Ikastolak. Ihabar Nalda, Irantzu Souto eta Elena Kortabarria ikasleek, Miriam Talavera irakasleak eta Mireia Muruamendiaraz zuzendariak ordezkatu dute Ikastola. Arizmendiko hezkuntza ereduak gizarte ekonomiari egiten dion ekarpenari buruz jardun dute ikasleek, eta 3 PROIren adibideak eman dituzte, hauetako bakoitzak gizarteari egiten dioen ekarpenean fokua jarriz.

Ekitaldia astelehenean egin zen, Kursaaleko areto nagusian, eta “Gazteak eta Ekonomia Soziala” tailerraren baitan izan zen Arizmendi Ikastolako ikasleek azaldu zutena. Pertsona ugari hurbildu zitzaizkien Ikastolak egiten duen lana eta gizarteari egiten dion ekarpena balioan jartzera. Ikasleen hitzetan “esperientzia guztiz aberasgarria izan zen”.

ERANTZUN BAT UTZI

Zure iruzkina utzi, mesedez!
Sartu zure izena hemen