Garazi Artolak eta Julen Elorzak ere hitza izango dute mendi-korrikaren inguruko ekitaldian. Asteazken honetan (maiatzak 31) Goi-Eskola Politeknikoko campusean.
Argazkiak: lasterketak.eus eta MB artxiboa / Beheko testua: Mondragon Unibertsitatea.
Mondragon Unibertsitateko Kirol Zerbitzuak solasaldi bat egingo du lana eta/edo ikasketak mendiko entrenamenduekin uztartzen dituzten ikasle, ikasle ohi, ikertzaile eta irakasleekin. Hauek izango dira solasaldiko parte-hartzaileak: Aritz Egea, Mondragon Unibertsitateko irakasle eta ikertzailea eta Domusa Teknik taldeko mendi-korrikalaria; Malen Osa, Mondragon Unibertsitateko ikaslea eta Salomon taldeko mendi-korrikalaria; Garazi Artola, Mondragon Unibertsitateko ikasle ohia eta Soronea Ammma taldeko mendi-korrikalaria; Ganix Lasa, Mondragon Unibertsitateko irakasle eta ikertzailea eta Mondraitz mendi-lasterketaren antolatzailea, eta Julen Elorza, Mondragon Unibertsitateko ikasle ohia eta mendi-lasterketen filmmakerra. Moderatzailea Xabi Igoa izango da, Mondragon Unibertsitateko Humanitate eta Hezkuntza Zientzien fakultateko komunikazio-arduraduna eta unibertsitateko ikasle ohia.
Solasaldia ateak irekita egingo da, maiatzaren 31n, asteazkenean, Arrasateko campusean (Iturripe, 5. eraikina), 19:00etatik 20:30era bitartean, euskara hutsean. Bertaratzerik ez dutenek streaming bidez jarraitu ahal izango dute elkarrizketa, Mondragon Unibertsitatearen Kirol Zerbitzuaren Instagrameko kontuaren bidez.
