Gaur goizean egin du lehen saioa Ludoteka ibiltariak San Andresen, eta bertan izango da datozen hiru larunbatetan. Arimazubi plaza izan da elkargunea, eta bertan egin dira parte-hartzaileek erabakitako ekintzak. Musakolan bezala, goizeko 11:30etik 13:30era bitartean egingo dira saioak, eta 3-12 urte bitarteko haurrek parte hartzeko aukera izango dute. 6 pertsonako hiru talde osatuko dira larunbatero eta bi hezitzaileen bide-laguntzaz goizak primeran pasatzeko aukera egongo da. Parte hartu ahal izateko, aurrez izena eman beharko da,...

Haizea tornay arrasatearrak Euskal Herriko hegoaldeko eta iparraldeko emakumezkoen selekzioek bihar jokatuko duten lagunarteko norgehiagokan parte hartuko du. Euskal Xake Federazioak eta Baionako Xake Klubak Emakumeen Nazioarteko Eguna dela eta antolatu dituzte topaketak. Topaketa bihar, igandea, jokatuko da online goizeko 10:00etatik arratsaldeko 14:30era bitartean. Jokalari bakoitzak bi partidu erdi-azkarrak eta bost azkar jokatuko ditu.

Iragan asteburuan, lesioen ondorioz, atzeratutako partidua jokatuko dute larunbat honetan Arrasate Errugbi Taldeko seniorrek.  Sarrailagileek, Ordiziako jokalariekin batera, Atletiko San Sebastianek eta Hernanik partekatutako taldeari egingo diote aurre Altamiran, 18:30eatik aurrera.   Kanpanzar Arrasate-Ordiziak oraindik ez du partidurik irabazi aurtengo ligan, honenbestez, ikasturteko aurreneko garaipena bilatuko du zapatuan.  Astetik astera Julen Barrutiaren mutilen jokoak nabarmen egin du hobera eta, testuinguru honetan, orain direla 15 egun Sarako Izarraren kontra Mojategin jokatutako neurketan denboraldiko aurreneko puntua urratu zuten. ...

Gauza jakina da Arano Arrasateko Semekotzat izendatu zuela Udalak, baina ez zen lehen ahaleginean gertatu. Gaurkoan, prozesu haren kronologia eman nahi dut, garai guztietako ortodoxiak zein kaltegarriak diren azalean utziz. Irakurtzen jarraitzeko klikatu hemen.

Estatuko txapelketa absolutuko urrea lortu du Malen Ruiz de Azua pertika-jauzian, eta zilarra Eneko Carrasacalek jauzi hirukoitzean. Elite mailako bi atleta arrasatearrei proposatu diegu bata besteari zenbait galdera egitea, eta Mojategin egin dugu hitzordua. Hona hemen bien arteko elkarrizketa: Malen: Ze abesti edo talde gustuko duzu lehiatu baino lehen entzutea? Eneko: Sasoiaren araberakoa da, eta egunerokoan entzuten dudanaren araberakoa, baina gehien entzuten dudan taldea Non Servium da. Eneko: Salto garrantzitsu bat egin aurretik, ze irudi bururatzen zaizu? Malen: Saiatzen...

LABIren Aholku Batzordeak udal konfinamendua kentzea eta Euskadi osoan mugitzeko baimena ematea erabaki du martxoaren 9tik, asteartea. Gainera, gaueko mugikortasunaren mugari eutsiko diote 22:00etatik 06:00etara, eta ostalaritza 20:00etan itxiko dute.

Ohi bezala, astero bi irteera egingo dituzte: asteazkenetan, 16:00etan, Biteri plazatik mendi ibilaldiak egingo dituzte; eta ostegunetan, 10:00etan, Biteri plazatik ere, hainbat leku bisitatuko dituzte. Oraingoan Edertek bisitatuko dute, Arrasatetik ibilaldia egingo dute, eta Zigarrolako balkoira igoko dira.

Eusebio Arexolaleiba arrasatearrak ondoko esteka interesgarriaren berri eman digu, Mondraberriko irakurleekin partekatzeko. Zuhaitz genealogiko batzuk XVI. mendean hasten dira, eta beste batzuk XX. mende inguruan amaitzen dira. Zuhaitz hauetan Arrasateko, Oñatiko, Aramaioko, Eskoriatzako, Aretxabaletako eta Leintz-Gatzagako sendi ugari azaltzen dira. Hona hemen esteka interesgarria: https://sites.google.com/site/leinztarra/

Bihar 'Non dago Mikel?' filmaren zuzendariak egongo dira Amaian. Dokumentala arratsaldeko 19.00etan aurkeztuko da Amaia Antzokian.

Debagoieneko Mankomunitateak online saio bat antolatu du martxoaren 12an, ostirala, goizeko 9: 00etan, enpresa txiki eta ertainak nazioartekotzeko laguntza ekonomikoa emateko ICEX Next programa aurkezteko. Programa ICEX Espainia Esportazio eta Inbertsio erakunde publikoak kudeatzen du. Diru-laguntza jaso dezaketen gastu kontzeptuak bi multzotan sailkatzen dira: Aholkularitza pertsonalizatua: 50 orduko aholkularitza poltsa, nazioarteratzearen eta kanpoko lehiakortasunaren arloetan adituak diren ICEX aholkulariek eskainia.ICEXek kanpoko merkataritza-sarea eta langile-sarea sustatzeko, aztertzeko eta garatzeko gastuak laguntzen ditu  enpresek nazioarteko estrategia garatu eta...