34 positibo berri atzeman dira Arrasaten

0
1637

34 positibo berri atzeman dira Arrasaten azkenengo orduetan. Gainerako bailarako herrietan ere zenbait positibo atzeman dira: Aretxabaletan 5, Eskoriatzan 5, Bergaran 11, Oñatin 7, Antzuolan 1, Elgetan 1

Osakidetzak azteazkenean hasi zuen 13 eta 40 urte bitarteko arrasatearren baheketa masiboa. PCR proba egitera deitu dituztenak 6.100 bizilagun dira, eta lehenengoak, aurrez hitzordua eskatuta, Debagoieneko Ospitaleko kanpo-kontsulten eraikineko beheko solairuan jarritako gailura hurbildu ziren. Sei osasun-langile aldi berean ari dira lanean herritarrei probak egiten. Lehengo egunean 1400 test inguru egin ziren eta atzo berriz 1300.

Gaur, ostirala, eta 15: 30etik 20: 00etara jarraituko dute. PCR proba egiteko aldez aurretik hitzordua eskatu behar da 943 03 52 50 edo 900 20 30 50 telefono zenbakietara deituz. Emaitza guztiak SMS bidez bidaliko dira.

ERANTZUN BAT UTZI

Zure iruzkina utzi, mesedez!
Sartu zure izena hemen