12 kontzertu eta estilo anitz izango dira ostegunetik Arrasate Bluesekin

0
810

Ibai-Artek antolatuta, laugarren edizioa jada abian da, baina asteburu honetan eskainiko ditu proposamen gehien kale nahiz plazetan.

Beheko testua: Arrasate Blues / Argazkiak: Kulturklik webgunetik, Soundcloud-etik eta MB Artxiboa.

Itxaso:
Ostegunean 19:00etan Herriko plazan

Itxaso euskal ahots erakargarri eta iradokitzaileenetako bat da. Kantari bizkaitarra Daniel Perez (gitarra) eta Gorka Benitez (saxo tenorra eta flauta) ohiko kolaboratzaileekin batera etorriko da, euskal jazz bokalaren diskorik ikonikoena grabatu ostean, ‘New Land-Lur Berria’

Starblues:
Ostegunean 20:30ean Otalora kalean

StarBlues taldea, gaur egun taldearen partaide den Jon Barreros (Kitarra eta ahotsak) eta Urko Ruiz de Apodakak (Baxua eta koroak 2019 arte) ordiziarrak, bakoitzak bere proiektuak amaitutzat eman eta gero sortu zuten 2010eko irailean Ordizian (Goierri). Bateri jole bat aurkitu eta Blues-Rock estiloko moldaketak eta Jonek sortutako abesti batzuk jotzen hasita, base melodikorako piano/organo bat beharko zutela erabaki eta gero, Yon Labayen tolosarra egungo teklistarekin arremanetan jarri eta taldea laukote bezala finkatu zen.

Iker Piris & Dual Electric & Marco Pandolfi:
Ostiralean 19:00etan Euskal Herria plazan

Oraingo honetan, Iker Piris tolosarra Marco Pandolfi lagun duela etorriko da Arrasate Bluesera. Marco Pandolfiren presentzia Italiako bluesaren eszenan hogei urte baino gehiago direla hasi zen. Penintsulako ekitaldi garrantzitsuenetan jotzen aritu da, Italiako eta atzerriko blues musikari handienen errespetua bereganatuz. Besteak beste, Il Blues, Blues Revue, Soul Bag, Blues Britain Magazine eta beste hainbat aldizkaritan agertu dira haren interpretazio eta grabazioak.

Emilio Arsuaga & The Mad Reeds & Chris Bell:
Ostiralean 20:30ean Portaloian

The Mad Reeds Louisianako R ‘N’ R, Country, Swamp eta Blues bezalako artistetan inspiratutako amerikar sustraiko boskotea/Sextetoa da. Jerry Lee Lewis, Buck Owens, Little Walter, Fats Domino, Cookie and The Cup Cakes, Smiley Lewis eta beste hainbat idolo klasikoren musikarekiko errespetuzko begirada pertsonala eskaintzen dute.

Oso kritika onak jaso dituzte Bogui Jazz, La Coquette, Caf Comercial, Moe Club, Rock & River Jaialdiam, Talaverako Gospel & Blues Jaialdian, Antequera Blues Festival eta Madrilgo Blues Elkartearen Blues Jaialdian.

Itziar Yague Cuarteto Ft. Greg Izor:
Ostiralean 23:00etan Herriko plazan

Greg Izor eta Itziar Yagüe 2019an ezagutu ziren La Coquetten. Elkarrekin lan egiteko ideia hala ere urtebete geroago jaio zen, Itziarrek ‘Delicious’ diskoa argitaratu zuenean hain zuzen ere.
Itziar eta Gregek oso pertsonalitate artistiko desberdinak dituzten arren, elkartzen dituzten eragin klasiko asko ere badituzte eta lurralde musikal komun horren baitan, esperientzia eta istorio oso pertsonaletan oinarritutako abestiak sortzen hasi dira.

2021ean zehar, Izor eta Yaguek beren taldeekin kontzertuetan aurkezten duten materiala osatu eta grabatu dute. Haien arteko eta publikoarekiko feelinga oso nabarmena da, eta haien lankidetzatik sortutako gaiek distira egiten dute.

Greg Izor benetako musikaria da, zuzeneko harrigarri batekin. Itziar Yagüek zaurgarritasuna, sentsualitatea eta autoritatea transmititzen ditu aldi berean; publikoarekin zuzenean eta modu naturalean konektatzen du, show woman galanta dela konfirmatuz.

Greg Izorrek eta Itziar Yaguek agertokian egiten duten konbinazioa leherkorra eta ikaragarri erakargarria da.

Paul San Martin & Greg Izor:
Larunbatean 13:00etan Jokin Zaitegi plazan

Stay Bluesekin egin zuen lehen lanetik eta bere bakarkako lehen diskotik hasita, Paul ‘s Moods’ -etik pasa eta azkenik A French Session ‘-era iritsi arte, Paul San Martin musika beltzaren eta, bereziki, bluesaren garrantzia ezagutzen duten formazio handiko musikarien artean dago. Urteetan zehar, oso ohikoa ez den maisutasunarekin, eta horri esker Blues & BoogieWoogie taldeko pianista eta abeslari gisa derrigorrezko erreferente bihurtu da estatuko eta Europako zirkuitu osoan zehar, San Martin tradizio musikal hau sakontzen, ikertzen eta lantzen aritu da.
Garrantzi handiko artistekin kolaboratu du: Nico WayneToussaint, GerryHundt, Lluís Coloma, Sax Gordon, Slam Allen, Billy BoyArnold eta abar luze bat. www.paulsanmartin.com

Elen’s River Dixieland Band:
Larunbatean 18:00etan herrian zehar

Dixieland jazz-blues estiloetako bat da, 1910eko hamarkadan New Orleansen garatu zen inprobisaziotik sortua. Elen’s River Dixieland Band taldea musiko hauek osatzen dute:

  • Aitor Etxagibel- Arrasate (Perkusioa)
  • Jos am  Elkoro- Aretxabaleta (Perkusioa)
  • Zigor Mart ez- Bergara (Klarinetea)
  • Julen Izarra- Zumaia (Saxo Tenorra)
  • Imanol Iribarren- Andoain (Tronboia)
  • Ramontxo Vega- Pasai Donibane (Elikoia)
  • Ibon Diaz- Gasteiz (Banjoa)
  • Rub  Salvador- Ebroko Miranda (Tronpeta)

Elen’s River Dixieland Band talde ibiltari bat sortzeko beharraren ondorioz sortu zen, bai Covid19a dela eta (abenduan hasi baikinen ekimena antolatzen), eta bai Ibai-Artek kontratatutako taldeak bere emanaldia bertan behera uzteagatik. Une horretan, Ibai-Artek Arrasateko Big Band-eko zuzendari den Zigor Martinezi deitu zion, ekintza hori egin ote zitekeen galdetuz. Une horretan, Zigorrek Rub  Salvador tronpeta-jole handiari deitu zion, Arrasateko Big Band-era estra gisa etorri ohi dena eta hamaika proiektutan jotzen duena, eta baietz erabaki zuten. Horrela, Dixieland hau sortze aldera, Euskal Herriko musikari handienei deitzen hasi ziren.

Los Zarrios:
Larunbatean 19:00etan Portaloian

Diablues & Bluezifer:
Larunbatean 20:00etan Portaloian

  • Diablues: Mikel Etxeberria (Aho-soinua, gitarra eta ahotsa)
  • Bluezifer: Asier Elorza (Ahotsa, gitarra, dobroa eta tronpeta)

Blues akustikoarekiko pasioak batu zituen Bergarako 2 musikari hauek 2014 urtean, Diablues & Bluecifer izenpean. Belceblues taldeko abeslariak eta gaztetako lagun min batek osatzen dute bikote hau. Proiektu honek, Blues-aren sustrai sakonetaraino eramaten gaitu, Mississippiko doinu zaharrei ukitu pertsonala emanaz. Kontzertuetan, AEB hegoaldean aspaldi zegoen giroa arnastu daiteke. Blues akustikoaren instrumentazio tipikoa erabiltzeaz gain, doinu eta instrumentu bereziekin apaintzen dute beraien ezohiko soinua:Ahots jokoak, Dobroa, tronpeta.

Los Brazos:
Larunbatean 23:00etan Ferrerias kalean

Los Brazos taldea, sortu ziren rock girotik harago erreferente bihurtu da: 4 album, salmenta zifra harrigarriekin eta talde askok beretzat nahiko luketen zuzenekoarekin. Taldea bosgarren albumaren merkaturatzea prestatzen ari da. Albumak aniztasunaren ikuspegi hori islatzen du, berdinak egiten gaituen oro bezala.

Swingtronic:
Igandean 13:00etan Arbolapetan

  • Joseba Aparicio Irastorza (Orio/Amorebieta – Tronpeta eta gitarra akustikoa)
  • Iñigo Fernández Elorriaga (Getxo – Saxofoia eta klarinetea)
  • Ibon Jordán Ara (Getxo/Berango – Bateria)
  • Eider Saratsaga Jiménez (Bilbo/Getxo – Ahotsa)
  • Germán Ulacia Aragüés (Barakaldo/Sopela – Pianoa)

Swingtronics 2018. urtearen amaieran sortu zen, aurretik hainbat musika-proiektutan lan egin duten hainbat musikariren elkartzetik, eta beren ibilbideak swinga, jazza eta esparru horretako beste soinu batzuk nahasten dituen banda batean batzen ditu, oinarri elektroniko gaurkotuagoekin, herri-musikako abesti aski ezagun batzuk berrikusteko asmoz, baita jazz-standardak ere, eta behin betiko modernoa, erritmikoa eta dibertigarria den itxura emateko asmoz. Bere zuzenekoak oso animatuak dira, eta entzuleak zutik jartzen dituzte dantzaraziz. Taldearen historia laburra dela eta, oraindik ez dute diskografiarik argitaratu, baina bai estudioko kantu mordoa.

Bandaren soinuak Europa osoan hain ondo funtzionatzen ari den elektroswing berrienaren eragina du: Parov Stelar, Caravan Palace, ermeral garestia, swingroovers.

JAC:
Igandean 19:00etan Arbolapetan

JAC (Jaime Alvarellos Correcher) blues abeslari eta gitarjolea da, Bera (Nafarroa) eta Hendaia (Akitania) artean bizi dena.

2018 urtean, Animal Blues taldearen bukaerarekin batera JAC-ek bakarkako bide bat hasi zuen bere izenean bi formatu ezberdinekin… Bakarrik, Mississippiko klasikoen errepertorioan oinarrituta eta laukotean Batiz, Iban Larreboure eta Xabier Barrenetxearekin batera.
Koronabirusaren pandemiarekin batera, laukoteak bere ekintza gelditu egin zuen baina bakarkako formatuak aurrera egin zuen, “Raw” diskaren grabazioarekin eta bere argitalpenarekin 2020 urte amaieran.

Gaur egun, JAC “Raw” diskaren aurkezpenean murgilduta dago.

arrasateblues.com

ibaiarte.eus

ERANTZUN BAT UTZI

Zure iruzkina utzi, mesedez!
Sartu zure izena hemen