Alarma-egoera eta konfinamendu egoera honetan, Ertzaintzak eta Udaltzaingoak hainbat isun jarri dituzte azken egunetan.
Argazkia: Google Maps.
Alarma-egoeran konfinamendua ez betetzeagatik, eta arauz kanpoko joan-etorriak egiteagatik, estatuak 100 € eta 600.000 € arteko isunak ezarri ditu.
Areago, arau-hausterik larrienak kartzelarekin zigortuko lirateke, 3 hilabete eta urtebete arteko espetxealdia.
Arrasaten Ertzaintza eta Udaltzaingoa hasiak dira arau-hausteengatik isunak jartzen. Hala, kotxean bata bestearen ondoan joateagatik, 1.500 € inguruko isuna jarri da.
Poliziak azken egunetan kontrolak jartzen dabiltza, eta aipatutako 1.500 € inguruko isunaz gain, beste zenbateko batzutakoak ere jarri dituzte, informazio iturri ezberdinetatik jakin ahal izan dugunez.
Poliziek gogorarazten dute koronabirusak markatutako ‘zubi’ honetan ez dagoela baimenduta bigarren etxeetara joatea.
