Esta web utiliza cookies, puedes ver nuestra la política de cookies, aquí
Política de cookies +
Otsaila eztiegia, primadera txirtxilegia

ORIENTACIÓN AL USUARIO

Hemen zaude:
 

Pertsona bat hilda agertu da

PERTSONA BAT HILDA AGERTU DA

Testua: Gontzal Landa Herbias / 2019ko martxoak 1, ostirala


Arrasatear bat hilda agertu da gaur goizaldean Txaeta kalearen inguruan, ospitalearen ondoan. Ertzaintzaren hipotesi nagusiena da "bere buruaz beste egin duela".  

 


 

Osakidetzako psikiatra eta komunikazioan aditu Andrea Gabilondo Cuellarrek azaltzen duenez, "suizidioa egintza konplexua da, eta normalean faktore ezberdinek eragiten dute". Faktore hauetatik "ohikoena depresioa da, buruko osasun arazo bat dena".


Horregatik, depresioa izatean "garrantzitsua da osasuneko profesional batengana joatea (ohiko medikura adibidez). Berak laguntza eskaini ahalko digu egoera gainditzeko".


Herritarrok oro har ere lagundu dezakegu: "Ikusten badugu norbait arriskuan dagoela, oso garrantzitsua da berarekin hitz egitea".


Izan ere, "suizidioaren inguruan galdetzeak ez du arriskua handitzen, arriskua txikitu dezake". Arriskuan dauden pertsonek badituzte eskura laguntza jasotzeko telefonoak:

  • Osasun Kontseilua: 943 20 30 20
  • Arrasateko ospitaleko larrialdiak: 943 46 11 11
  • Larrialdietarako telefonoa, 24 orduetan martxan: 112

Osakidetzako Psikiatria Zerbitzuak ere herritarrei arreta eskatzen die bere inguruko pertsona batek:

  • Bere burua kaltetzeko edo suizidatzeko desioak adierazten baditu.
  • Muturreko esperantza falta adierazten badu.
  • Heriotzarekiko edo biolentziarekiko ezohiko interesa agertzen badu.
  • Bere ardurak uzten baditu neurri handi batean.
  • Bakartzen bada neurri handi batean.

Adituek aholkatzen dute, inguruan arriskuan dagoen pertsona bat baduzu:

  • Hitz egin gaiaren inguruan argi eta garbi berarekin.
  • Interesa eta babesa agertu berari.
  • Laguntza profesionala eskatu.

 


EREMU PRIBATUA


Copyright © 2008 - MONDRABERRI
Mondraberri@gmail.com - www.mondraberri.com
Tel: 943 797837 - Arrasate Pasealekua 3-bajo / P.K. 101 - 20.500 - ARRASATE